السلام عليكم و رحمة الله و بركاته,
كنا قد "اضطررنا" لحضور ساعات فى الكلية تحت مسمّى "الجودة" و معاييرها و ما الى ذلك و ادخال الانترنت اللاسلكى فى الكلية, لكن هل لى أن أسأل هل الكلية هى المتبرعة بميزانية الجودة ؟؟ ان كانت الاجابة لا, فما هو مصدر ميزانيتها و كم هى بالضبط و لماذا نرى غرفة الكمبيوتر فى مدخل الكاية تجَدد و قاعة الامتياز مجهزة و ما الى ذلك من اماكن ادارية بينما لا تزال الكثير من المعامل يرثى لها ؟ من حيث الاعداد و التجهيز و النظافة ؟
قد تكون الكلية تسعى لتطوير معاملنا و لكنه سعى متباطىْ, نحتاج نحن الطلاب معرفة خطة تطوير الكلية الى الجودة الحقيقية فى اطار اجتماعات منظمة بدلا من الاضطرار الفجائى لحضور محاضرة مملة تتكلم عن معايير الجودة البحتة دون معرفة الرؤية و المهمة المطلوبة من كل فرد فى الكلية.
و شكراً
عليكم السلام و رحمة الله و بركاته
انا سعيدة ان حد فتح الموضوع ده. أنا د. مها الطنطاوى- أستاذ مساعد الصحة العامة. سنة ثالثة عارفينى لاننا اشتغلنا مع بعض فى محاضرات الصحة العامة بس اعتقد باقى السنوات لا.
انا ليا خبرة لا بأس بها بالجودة لانى فى اللجنة و كنت من أوائل الناس اللى اشتغلت فى الجودة من سنة 2005 و لغاية دلوقتى. معظم شغلى حاليا له صله بالاستبيانات (واحدة من لجنة) بالاضافة للتكنولوجيا.
يعنى ايه جودة؟ الهدف الاساسى لاعمال الجودة هو ان الكلية تصبع معتمدة, يعنى ببساطة معترف بها. و علشان تعتمد فى هيئة اسمها الهيئة القومية لضمان الجودة و الاعتماد بتحط معايير و مواصفات علشان اى كلية او معهد او حتى مدرسة تصبح معتمدة. فى الاجمالى المعايير دى معقولة و منطقية. المشكلة تكمن فى عدة نقاط: اول حاجة ان دى حاجة جديدة و الناس مش متعودة عليها و بالتالى اصبح حولها اساطير كثيرة و رفض. الحاجة الثاتية ان الهيئة القومية اللى قلت لكم عليها كل شوية تغيير المعايير. يعنى كل ما ييجى رئيس جديد للهيئة, يغير المفاهيم و الاستمارات و ده طبعا بيتسبب فى اعادة الشغل من الاول. المشكلة الثالثة ان موضوع الجودة ده محتاج كمية ورق و مستندات كثيرة بتخلى كل الناس تزهق جدا جدا جدا, و كمان بتخليهم يحسوا ان الموضوع عبارة عن ملو ورق و كلام و خلاص. كل ده و حاجات ثانية كثير بتخلى معظم الدكاتره تكره الجودة من الاعماق.
ليه فى ضوء كل هذه النقاط فى ناس بتشتغل فيها. عايزه اقول ان المجموعة اللى بتشتغل فى الجودة فى الكلية الحقيقة كلها ناس مخلصة. طبعا صعب اقول الكلام ده و انا واحدة منهم انما اعتبروا الكلام ده خاص بباقى الناس مش بى. المجهود خرافى و بياخد وقت و فعلا مش بيخلص. كل ما نغطى نقطة, يطلعوا نقطة ثانية و هكذا لغاية لما شغل الجودة اصبح حاجة مزمنة زى زحمة المرور و زنقة المحاضرات و هكذا.
الحاجة اللى بتخلى الناس تستحمل الغلب ده كله هو الفلوس و المستقبل. الفلوس دى مش للناس اللى بتشتغل انما للكلية. موضوع الجودة ده قالوا فيه: دلوقتى الكليات المفروض تحقق المعايير علشان تعتمد, الكليات قالت ما عندناش فلوس علشان نحقق المعايير, قالوا طيب اعملوا دراسة قولولنا ايه اللى ناقص الكلية علشان المعايير تتحقق و اللى ناقص ده محتاجبن له كام و احنا نديكم. قمنا كتبنا الكلام ده. قالوا طيب ماشى بس الفلوس دي لازم لما تاخذوها تحققوا المعايير , قلنا ماشى. قالوا لازم تحطوا جدول زمنى, حطينا جدول زمنى. الكلام ده حصل فى تقريبا سنة 2009.
الميزانية اللى الكلية اتوعدت بها حوالى 8 مليون من المشروع و حوالى 2 مليون من الجامعة على مدى 2.5 سنة. اللى بتاخذه فعلا اقل من كده شوية يعنى كل تاخير فى نشاط حتى لو لاسباب خارجة عن ارادتنا يخصموا منا حاجات. فى شروط للميزانية دى: يعنى الهيئة بتشترط ان الانشطة زى الندوات و المحاضرات لتطوير اعضاء هيئة التدريس و الطلاب و كل الحاجات اللى مفيهاش شراء بما فيهم الخبراء اللازمين لوضع انظمة معينة يعنى من خارج الكلية لا تتعدى نسبة 35% بينما الالات و التجهيزات و المعدات فى حدود 65%. دى شروط لا يمكن النقاش فيها و واجهتنا فيها مشكلة لان عدد الناس (دكاتره و موظفين و تمريض و فنييين ....) فى الكلية قليل فطلبنا اننا نرحل جزء من بند الانشطة لبند التجهيزات و لكن كانت وجهة نظرهم ان المشروع ده مش الغرض منه بناء الكلية و انما تطوير التعليم و من غير تطوير الانسان لا يمكن تطوير التعليم. المهم, ميزانية التجهيزات و البناء جزء كبير منها (15% تقريبا) للاحلال و التجديد لان انتم زى ما تعرفوا عندنا مشكلة كبيرة فى سلامة المبنى الجديد و المشكلة دى قديمة للاسف عن الوقت الحالى و معروفة تقريبا من بعد استلام المبنى فى نهاية الثمانينات. على فكره ترميم و تجديد الحمامات مش من ميزانية المشروع و انما من تخصيص قديم ايضا من الجامعة من ايام د.عبد اللا العميد السابق يعنى مش من ميزانية المشروع. و الحمامات طبعا هى جوهر المشكلة لان الصرف الصحى السئ ساهم فى تدهور حالة المبنى بالاضافة لان من معايير الهيئة وجود عدد كذا حمام للطلاب و كذا للطالبات. المهم: فى حوالى 6 مليون تقريبا مستلزمات تعليمية يعنى اجهزة و معدات و دى بتحتاج مناقصات و اعلانات و موافقة مستشارين مجلس دولة و كلام من ده. حنجيب بيهم وحدات اسنان (يونيتس) و اتوكلافات و اجهزة اشعة و تجهيزات لمعامل التحفظى و ميكروسكوبات. طبعا لما جينا نعمل الجدول الزمنى. نصحونا الناس اللى مروا بالتجربة دى اننا نأجل الشراء بتاع الاجهزة بعد الترميم ما يخلص لتجنب تلف الاجهزة الجديدة و كمان علشان نلاقى مكان نحط فيه الحاجة و ده اللى فعلا عملناه. فى اماكن التجديد بتاعها كان من تخصيص الجامعة فقدرنا نخلصه و نجيب الاجهزة بتاعته زى معمل الكمبيوتر. علشان كده شوفتوا ان المعمل بتاع الكمبيوتر جهز قبل العيادات. طبعا مشكلة الترميم و المقاول و الصنايعية مشكلة ثانية لان الشركة مش بتاخد فلوسها مننا: بتاخدها من تحويل الهيئة للفلوس دى زائد ميزانية الجامعة و طبعا ما بين سرعة الاثنين تقدروا تتخيلوا كمية الشد و الجذب لاستعجال الاطراف الثلاثة للبدء و المتابعة فى الاعمال غير مشاكل الاقسام اللى لازم تنتقل لاقسام و اماكن ثانية لحين انتهاء اعمال التجديد. باقى الميزانية يخص انشطة التدريب لجميع الناس فى الكلية بالاضافة لاجراء دراسات عن المشاكل الحالية و كيفية اصلاحها. فى طبعا ميزانية مخصصة للمكافات و دى لتحفيز العاملين للاهتمام بالاعباء الزائدة اللى محتاجها المشروع. حتى دى لها مبالغ محددة و سقف اعلى بحيث لا تتعدى مكافاة عضو هيئة التدريس و الموظف و العامل حد معين و قيل لنا فى وقت كتابة المشروع ان ده من أهداف المشروع الاساسى لزيادة قبول التطوير اللى بيستلزم جهد كبير
فى ايه تانى؟ المعايير طبعا بتضم كل حاجة ممكن تتخيلوها. اللى اعرفه اكثر هو اللى انا بأشتغل فيه و الباقى طبعا حتلاقوه فى لجنة الجودة و على موقع الهيئة القومية. فى معايير للبنية التحتية يعنى المفروض يكون فى كام طالب فى المتر و كام كتاب فى المكتبة و هكذا. و فى معايير تخص البرنامج نفسه يعنى مواصفات المقررات و تقارير المقررات و شكل الامتحانات و التظلمات و اتاحة الموارد التدريسية و التعليم الالكترونى و هكذا.
الخلاصة. الجودة دى فى جوهرها شئ ضرورى , اكبر فائدة منه من وجهة نظرى انها اوجدت فكرة المحاسبة فى فكر الجميع: الطلاب يجاوبوا على الاستبيانات (المفروض يعنى) و يقولوا رايهم فى الدكاتره و بعدين فى زيارات متابعة من الهيئة بنسمع فيها شوية كلام كويس صغيرين و كلام تانى كثير على اللى ناقص وازاى نكمله و هكذا
لو يكون فى وقت ان شاء الله حاطلب من د/ منى الكاتب المدير التنفيذى للمشروع نشر الخطة التنفيذية للمشروع و الجدول الزمنى علشان تقدروا تعرفوا التفاصيل الموجودة .
فى حاجة كمان عايزة اقولها. عيادة الاطفال و طب الفم و الجراحة تم تجديدهم بتبرعات و جهود ذاتية. و فى رايى ان الفلوس مش هى المشكلة لان ال8 مليوم بتاعة المشروع دى مع انها مبلغ كبير الا انه فعلا مش بيغطى الاحتياجات كلها بالاضافة الى ان التجديدات اللى اتعملت فعلا فى بعض العيادات زى الاطفال بدات بفعل الاستخدام المكثف تحتاج صيانة فالموضوع مش حينتهى عند ال8 مليون دول وكل المشاكل تتحل. اعتقد ان دول يمثلوا البداية فقط و فيه حاجات كثير محتاجة تتعمل ثانى و لازم لها فلوس اكثر.
لى طلب, لو اى حد له استفسار او سؤال يطرحه هنا ويطلب اجابات . بلاش لو عندنا شكوك او اسئلة نفضل قافلين عليها.
اشكرك يا دكتور على الاجابة و الاهتمام و الشرح المستفيض.
انا فى نقطة لفتت انتباهى, هى مشكلة المبنى القديمة- انه محتاج يترمم- و مع ذلك فى تجديدات جزئية بتحصل مثل تجديد الحمامات, طيب طالما المبنى أصلاً بنيته غير مستقرة أو فيها كلام, يبقى ازاى نسعى اننا نجدد ادوار أو أجزاء فيه و هو أصلا محتاج كله على بعضه كده (يتفوّر) ؟؟
هل مثلاً, تم الاستعانة بمهندسين مدنيين و استشاريين لدراسة حالة المبنى ؟؟ عشان منبقاش بنجهز أماكن معينة و كمان بميزانية غير الجودة - يعنى متعوب فيها- و فى الاخر التجديد ده لا يدوم, حضرتك فاهمة قصدى ؟؟
و عشان التفاصيل الكثيرة اللى تخص الجودة, اللى حضرتك-مشكورة- ذكرتيها, أنا بأقترح ان يتم الاجتماع بالطلاب للمشاركة معاكم, صدقينى-و حضرتك أصلاً مؤمنة بدا- ان احنا بيبقى عندنا أفكار و طاقات نقدر بيها نساعد الكلية فى مشروع زى دا.
حضرتك حتى ذكرتى ان الهيئة القومية ( وجهة نظرهم ان المشروع ده مش الغرض منه بناء الكلية و انما تطوير التعليم و من غير تطوير الانسان لا يمكن تطوير التعليم), و دا حتى يتفقمع كلام الدكتور فاروق الباز اللى دائــــماً و أبــــــداً يدعو لتطوير الانسان و مش المؤسسات فقط اللى كانت السبب فى تدهورنا عل مر العقود الفائتة.
فلازم نفكر بأسلب علمى, الأول نفهم الناس-طلبة و دكاترة و اداريين و عمّال- يعنى جودة ؟؟ ليه عايزنها ؟ هتفيدنا بايه ؟؟ و نعرف الهدف و نحط (رؤية) لينا, عشان كل خطوة تبقى مدروسة و نبقى فاهمين احنا رايحين فين بناءً على مواردنا و المتاح أمامنا.
و أنا كمان ليّا طلب بعد اذنك, لكل الناس انها تقرأ هذا الكلام لدكتور فاروق الباز, مفيد جدا.
http://faroukelbaz.com/articles/Jeel_el_Fashal.pdf?2b2ec76f877efbf75e932560f515b367=eec545ab44f9c1efb4bd57bfc9e61168
و جزيل الشكر يا دكتور :)
انا فى نقطة لفتت انتباهى, هى مشكلة المبنى القديمة- انه محتاج يترمم- و مع ذلك فى تجديدات جزئية بتحصل مثل تجديد الحمامات, طيب طالما المبنى أصلاً بنيته غير مستقرة أو فيها كلام, يبقى ازاى نسعى اننا نجدد ادوار أو أجزاء فيه و هو أصلا محتاج كله على بعضه كده (يتفوّر) ؟؟
هل مثلاً, تم الاستعانة بمهندسين مدنيين و استشاريين لدراسة حالة المبنى ؟؟ عشان منبقاش بنجهز أماكن معينة و كمان بميزانية غير الجودة - يعنى متعوب فيها- و فى الاخر التجديد ده لا يدوم, حضرتك فاهمة قصدى ؟؟
و عشان التفاصيل الكثيرة اللى تخص الجودة, اللى حضرتك-مشكورة- ذكرتيها, أنا بأقترح ان يتم الاجتماع بالطلاب للمشاركة معاكم, صدقينى-و حضرتك أصلاً مؤمنة بدا- ان احنا بيبقى عندنا أفكار و طاقات نقدر بيها نساعد الكلية فى مشروع زى دا.
حضرتك حتى ذكرتى ان الهيئة القومية ( وجهة نظرهم ان المشروع ده مش الغرض منه بناء الكلية و انما تطوير التعليم و من غير تطوير الانسان لا يمكن تطوير التعليم), و دا حتى يتفقمع كلام الدكتور فاروق الباز اللى دائــــماً و أبــــــداً يدعو لتطوير الانسان و مش المؤسسات فقط اللى كانت السبب فى تدهورنا عل مر العقود الفائتة.
فلازم نفكر بأسلب علمى, الأول نفهم الناس-طلبة و دكاترة و اداريين و عمّال- يعنى جودة ؟؟ ليه عايزنها ؟ هتفيدنا بايه ؟؟ و نعرف الهدف و نحط (رؤية) لينا, عشان كل خطوة تبقى مدروسة و نبقى فاهمين احنا رايحين فين بناءً على مواردنا و المتاح أمامنا.
و أنا كمان ليّا طلب بعد اذنك, لكل الناس انها تقرأ هذا الكلام لدكتور فاروق الباز, مفيد جدا.
http://faroukelbaz.com/articles/Jeel_el_Fashal.pdf?2b2ec76f877efbf75e932560f515b367=eec545ab44f9c1efb4bd57bfc9e61168
و جزيل الشكر يا دكتور :)
ايوه يا فاطمة طبعا تم الاستعانة بمهندسين. الحقيقة ان الجامعة بتستخدم استشاريين فى لجان من الكليات المختصة. يعنى التقرير الفنى عن حالة المبنى و احتياجات و شروط و اساليب الترميم وضعه لجنة من اساتذه هندسة: كل التخصصات اللى انا مش بافهم فيها حاجة: انشائى و صحى و تكييف و كل حاجة. الحقيقة اننا منقدرش نفتح معملين على بعض من غير موافقة اللجنة. حتى لما جينا نعمل وصلات الانترنت للدخول على شبكة المجلس الاعلى للجامعات كان لازم نخطر هندسة رسمى مع ان اللى بيعمل الوصلات هندسة برضو.
التقرير موجود طبعا و مع كل ترميم بيتراجع من اساتذه هندسة و كل رئيس جامعة ييجى يعطى لنا جزء من التمويل. و مهارات العميد انه او انها تقدر تجمع اكبر قدر من التخصيص و يتنفذ فى الموعد المطلوب علشان الوقت المخصص للصرف ما يروحش قبل الحصول على الموافقات اللازمة.
الحقيقة بالنسبة للاجتماعات انا عندى طلب. لجنة الجودة فعلا عملت اجتماعات بس انا حاسة انها ما عملتش نتيجة بدليل ان معظم الناس مش عارفة حاجة. انا حاحاول اطالب بنشر الخطة التنفيذية للمشروع بحيث كل الانشطة تبقى معروفة و نعمل ميعاد ثابت كل اسبوع انتم تختاروا نقطة نناقشها و نتكلم فيها و نشوف كل المقترحات و كيفية تطبيقها
التقرير موجود طبعا و مع كل ترميم بيتراجع من اساتذه هندسة و كل رئيس جامعة ييجى يعطى لنا جزء من التمويل. و مهارات العميد انه او انها تقدر تجمع اكبر قدر من التخصيص و يتنفذ فى الموعد المطلوب علشان الوقت المخصص للصرف ما يروحش قبل الحصول على الموافقات اللازمة.
الحقيقة بالنسبة للاجتماعات انا عندى طلب. لجنة الجودة فعلا عملت اجتماعات بس انا حاسة انها ما عملتش نتيجة بدليل ان معظم الناس مش عارفة حاجة. انا حاحاول اطالب بنشر الخطة التنفيذية للمشروع بحيث كل الانشطة تبقى معروفة و نعمل ميعاد ثابت كل اسبوع انتم تختاروا نقطة نناقشها و نتكلم فيها و نشوف كل المقترحات و كيفية تطبيقها